Lunes, 25 de agosto de 2008

 

MARÍA JOSÉ MATEOS POMBERO.-  BADAJOZ

 

SEPA USTE, FORASTERU ...

Me trompecé el’otro día
con un forasteru,
mu compuestu y mu finu,
que se llegó ende la capitá,
y decía que semus lus extremeñus
incurtos y de mu mal jablá.

No soy yo una jembra
de mucha gramática
ni tampoco mu estudiá,
pero asina jablaba mi madre,
asina jablaba mi agüela,
asina jablaban lus de mucho más pa’trás,
y asina jablo yo,
pá que no se me olvide nunca ni una letra
de la que jablan también
nuestrus más grandes poetas.

Sepa usté, señó mío,
que cuandu un extremeñu jilvana
toas y ca una de las letras,
empalma comu una melodía tras otra
lo que no es otra cosa
que la lengua que se jabla
en nuestra tierra.

Sepa usté, forasteru,
qu’en cá lugá se jabla una lengua.
Y si no,
aviente, aviente usté una mirá
por lus jondones de la jistoria
a vé si se da cuenta
que no semus lus extremeñus
más incurtos que lus que nacierun
ajuera de la nuestra Extremaura.

Sepa usté, forasteru,
que sabemus mu requetebien leé y escrebí
lus extremeñus.
Pa eso, cuandu eramus zagalinas,
un maestro mu resabio,
y mu letrau,
nus enseñó en la escuela.
Y pa encandilá lus nuestrus pensares
no nus jacen falta
ni las eses, ni las jerres.

Y ya, pa terminá,
si tiene una miajina de vagá, aviente usté
una ojeá por lus librus
de Luis Chamizo ó
de Gabriel y Galán
a ve si encuentra usté, señó mío,
arguna incurtura en su pluma desgarrá.

 

 LOS POEMAS EN CASTUO PUBLICADOS ESTOS DÍAS EN EL BLOG SON CORTESÍA DE LUPE SERRANO. Gracias Lupe.

 


Tags: MARÍA JOSÉ MATEOS POMBERO

Publicado por gala2 @ 4:59  | POEMAS
Comentarios (1)  | Enviar
Comentarios
Publicado por nombre
Jueves, 12 de noviembre de 2009 | 12:25
hola soy andaluz vivo en extremadura desde hace 23 a?os y gracias a internet acabo de encontrar esta web y leer ete hermoso poema en castuo nunca me acostare sin aprender algo nuevo ye intentare no acostarme jamas sin leer sobre este gran pueblo
me gusto muchisimo gracias por colgarlo en la red muchas gracias
posdata disculpad mis faltas ortograficas no tengo muchos estudio que se diga