Jueves, 17 de abril de 2008

Ríu ñegru na Carbayeda zamorana



Ríu Ñegru del miu amore,
¡Ai Riu Ñegru, chenu trueitas!,
onde las tuas auguas cantan,
onde las tuas auguas penan.
La tua colore rellumbra,
la tua colore ferreiña,
l'augua ye la túa sangre
que llambe dulce las piedras.
Mueitas gracias polos soutos
y tamién polas ribeiras,
polos tous escuros coutos
polas túas chanas veigas.
Abrázate eillí'l salgueiru,
los umeiros t'apareyan,
faite compaña'l sanguiñu,
lluegu'l carrizu te beisa.
L'outoñu frescu al chegare,
date mil fueyas mariellas,
pardas de los carbayos,
las roxas de las fuseiras.
Ñaces bravu pa Escuréu
ente chafurnios y lleiras.
Saltas fendas y cabuercos,
reinu de l'águila ñegra.
Faces blancos gargallones
con esplumosas guedeyas.
¡Escueita los tous tambores,
brigosas retembladeiras!
L'augua suena eillí a cantare,
you escueito eillí muñeiras.
¡Música del tou ñacere,
sábeme a voces melgueiras!
Eillí crez la regalicia,
amaruéganos, ñebreiras,
perfantones escanzreixos
y nel branu l'azucena.
Riegas, cerreos y llameiros
onde ñaz la surbia fiera
cola que los bravos ástures
envelenaban las frechas.
Eillí los fríos d'iviernu
facen xelu lo que velan,
hasta que faga calore
la ñeve pousa na sierra.
Al pasare pol Outeiru
de Centenos fiendes peñas
y más abaixo ente foces
bañas molinos en Peica.
Nel altu d'aquel outeiru
las peñas ástures velan.
Naquel castru veladeiru
de sangre parez la tierra.
Sos llare de mexillones
grandes d'augua nas pesqueiras
que s'atopaban a esgaya
al llimpiare nas acenias.
Güei solo restan conchales
vieyos de más d'ochenta.
Dizse que al pechar molinos
morre triste aquella pesca.
Sos el postreiru ríu llibre
sin pantanu que t'afuega,
l'últimu ríu ástur que vive,
y nel ñuesu Reinu queda.
Vieyu morres en Riunegru
dando fuercia al craru Teira
entoncias ye la tua augua
como escura carboneira.
Voume chorando al pasare,
dasme morrina qu'amuela.
Sos la reiz del miu amore,
¡sangre de La Carbayeda!



Xuan Andrés Oria de Rueda Salgueiro

 

 


Tags: Xuan Andrés Oria

Publicado por gala2 @ 3:44  | POEMAS
Comentarios (0)  | Enviar
Comentarios