Espacio para la poesía de todos los tiempos: poemas, autores, libros, artículos... Todo lo que tenga que ver con el bello arte de decir con la palabra...
Préstame convidavos a la conferencia titulada
que daré nel ámbitu de la II Arribada lliteraria esti sábadu 15 de setiembre a les 11,30 hores nel patiu del C.C. Antigu Institutu Asturianu de Xixón, cola presencia y participación de los escritores Berto García, Ricardo Candás, Xabel de Cea, Elisabeth Felgueroso, Pablo Rodríguez Alonso, Alexandra Sirvent y Carlos Suari.
La Xeneración del Compromisu: 1967-1982
Xaviel Vilareyo y Villamil
Una xeneración lliteraria defínese como aquel conxuntu de persones nacíes nun determináu periodu de tiempu que vivieron los mesmos acontecimientos o circunstancies y que puen llegar a presentar una obra lliteraria con una serie d’influencies, caracteres y, en xeneral, dellos rasgos artísticos comunes o asemeyaos y en parte estremaos de los de xeneraciones anteriores.
El conceptu de xeneración impónse na historiografía hespañola a partir de lo publicao pol filósofu Ortega y Gasset y los sos discípulos, qu’entamaron allumando la nomada Xeneración del 98, formada por un garrapiellu d’escritores caracterizaos pol so hespañolismu. Ye ésti un conceptu recién, difícil de concretar, pero al empar útil pa la hestoria de la lliteratura yá qu’aporta unes claves de referencia qu’ayuden a situar nel so espaciu, contestu y tiempu a los lliteratos y a les sos obres. Toa dixebra en periodos intenta asina ufiertar un ciertu grau d’orde y coherencia, axuntando y acutando a los escritores por etapes y facilitando asina l’estudiu y comprensión de les lliteratures, nel nuestru casu, de la lliteratura asturiana. Esti enfotu pedagóxicu ye’l que consolidó’l ciertu ésitu d’esti conceptu anque nun hai unanimidá total a la hora de precisar y determinar el conceptu xeneracional, aceptáu por unos y rexeitáu por otros. Destamiente, pa dalgunos resulta avegoso precisar esti conceptu y estremalu de la idea de promoción lliteraria, grupu, corriente, equipu o términos asemeyaos. Y ello debío a que’l conceptu de xeneración ye más un términu sociolóxicu que lliterariu. La supuesta oposición o confrontación de xeneraciones que plantegaba Ortega pretende amuesar una visión dialéctica de contraste y de remozamientu de les idees. Pa dalgunos, ello nun dexa de ser más qu’un recursu pedagóxicu simplayu y recurrente, yá que tomar en cuenta la fecha de nacencia de los autores, la dixebra en periodos de 15 años o la temática o sentíu artísticu nun ye más qu’un reduccionismu cenciellu. La historiografía lliteraria suel presentar a les xeneraciones lliteraries como compartimentos estancos, caúna con identidá propia, perfil, sincronía, influxos y contestu claramente desllendaos. Sin embargo, nun dexa de ser difícil acutar espacios o marcar fronteres en campos tan ambiguos y suxetivos como lo son los lliterarios. El conceptu preséntase útil si lo que queremos ye parcelar esti campu pa poder entendelu, conocelu, dalu a conocer o estudialu dafecho y meyor, entós la idea de les xeneraciones lliteraries ye una ferramienta útil non sólo pa la historiografía lliteraria sinón tamién pa la mesma lliteratura, que dicho metafóricamente s’autoalimenta de les sos propies influencies, puesto que permite a los autores facese una reflexón sobre’l propiu llabor.
Ortega ye’l creador del conceptu de xeneración (El tema de nuestro tiempo, publicáu en 1923) y ye precisamente n’Hespaña onde más se tien usao esti términu. Ortega taba esmolíu por un estudiu sistemáticu de la Historia y por crear un métodu científicu. Nun trataba de ñegar l’individualismu de los artistes sinon d’afirmar la entidá societaria o social del creador. Cuntar colos demás supón asina percibir la mutua dependencia y coordinación con aquellos colos que convivimos. El nun cuntar colos demás aislla del mundu y polo tanto torga una percepción del mesmu y del espaciu que nos arrodia como lliteratos conscientes de la nuestra situación, contestu y caleyar vital. Los autores vivimos inmersos nunos determinaos contestos y momentos históricos y como toos reaccionamos frente a la mesma realidá, deduzse que los seres sometíos a un mesmu procesu han a desenrollar ente ellos asemeyos y afinidaes. La obra lliteraria de los autores d’una mesma xeneración adquier asina un valir históricu, testimonial, amás del propiu valir lliterariu intrínsecu. La xeneración representa una cierta actitú vital ante la lliteratura, dende la que se percibe la esistencia d’un xeitu determináu y específicu, estremáu, a la percepción que tuvieron les xeneraciones anteriores.
Ortega estremaba ente dos clases de xeneraciones, les cumulatives, o pasives que viven de lo aportao poles xeneraciones pasaes y les polémiques, les qu’aporten nueva savia y nueves tendencies diferentes a la xeneración anterior. Sin embargo, el conceptu orteguianu de xeneración nun dexó de tener crítiques. La idea xeneracional d’Ortega yera más bien ríxida no temporal pues afirmaba que les xeneraciones se sucedíen cada 15 años. Implicaba que los integrantes tuvieren la mesma edá y llevaren alantre dalgún contactu vital, un conxuntu de creencies y de sentimientos compartíos: cada xeneración consiste nuna peculiar sensibilidá. Nun repertoriu orgánicu d'intimes propensiones, quier dicise que cada xeneración tien la so vocación propia, la so hestórica misión. En España invertebrada, Ortega afirma que l'acción d'una minoría cultivada y selecta sobre les mases ye bono y que l'afirmación de les idees nacionalistes ye daqué positivo y peculiar. La so idea de xeneración ye una aplicación mecánica d'esta idea d'élites. El términu xeneración surde asina dende la lliteratura, y la socioloxía tómalu d'equí.
La xeneración lliteraria nun ye un fechu natural sinon un complexu cultural y social. Lo que define a ésta ye una comunidá d'espíritu, de sensibilidaes, d'actitúes, de valores, esmoliciones, problemes, rasgos, ensin perxuiciu de los estilos personales y de la individualidá de caún de los integrantes. Nesti sentíu apúntase que la coetaneidá o el fechu de tener una edá asemeyada nun contestu espacial determináu (nesti casu, el fechu d'escribir n'asturianu nuna determinada época histórica de marxinación y represión llingüística) favorez o posibilita tener unes mesmes perspectives, visiones o respuestes artístiques. Asina les coses, dicir xeneración nun ye lo mesmo que dicir escuela, grupu o tendencia yá que valoramos tamién la dimensión temporal, esto ye, la edá del lliteratu.
Los escritores de la Xeneración del Compromisu (1967-1982) son na so totalidá asturianos nacíos nel dominiu llingüísticu astur sobretoo de la rexón central d’Asturies y escritores en llingua asturiana, una llingua indagüei non reconocida oficialmente y dafecho marxinada, tapecida o represaliada polos poderes públicos que dependen de los principales partíos políticos españoles, salvo nel territoriu mirandés, onde sí ye xurídicamente llingua oficial. Esti fechu, anormal, incoherente y antillegal dafechu, conlleva delles circunstancies qu'imprimen una especial significación o calter nel sentimientu de los autores ante’l fechu artísticu d’escribir nuna llingua políticamente marxinada y sometida, esto ye, metida embaxu les alfombres del poder. La llingua asturiana, a fecha de güei (2007) inda nun se considera como una llingua oficial n'Asturies, nin en Lleón, nin n'Hespaña. La educación impartida d'esta y nesta llingua inda ye una reivindicación permanente y desesperadamente naguada pol conxuntu de los enseñantes y pola sociedá en xeneral. Los medios de comunicación asturianos releguen a esta llingua a espacios mínimos de la programación, cuando non lo que se fai ye una chancia de la propia llingua nos medios, considerándola inda como una nota de collor, de tipismu rural, probe y marxinal. Los escritores en llingua asturiana y muncho más los nuevos escritores son ignoraos polos medios y pola oficialidá al usu que se contenta con presentar unos premios lliterarios oficiales pa salir del pasu y de mano nun vulnerar lo establecío nes lleis estatutaries vixentes referíes a la promoción del asturianu, y con ello tamién satisfacer delles reivindicaciones más pecuniaries que lliteraries de dellos lliteratos más afines a esti tipu de poderes del que pretenden sacar dalguna ventaya clientelar que a cualesquier síntoma de reivindicación llingüística que faiga esparder polo menos socialmente a la propia lliteratura, que nun tendría que subsistir de los poderes sinón de la so llingua, esto ye de los propios ciudadanos. En resume, la llingua asturiana sigue siendo una llingua non reconocida y polo tanto, ignorada, perseguida y represaliada n'Asturies y n’otros territorios del dominiu idiomáticu, puesto que'l so usu inda nun ta normalizáu polos responsables de facelu posible, esto ye polos poderes políticos y públicos encargaos del so fomentu. L'ámbitu de los premios lliterarios habríen dexase del llau de la sociedá civil, y non como ferramienta ideolóxica al serviciu mediáticu del poder políticu.. La reivindicación de la oficialidá de la llingua asturiana ye polo tanto un fechu definitoriu históricamente a la hora de caracterizar a esta Xeneración del Compromisu, ya que ye una garantía mínima de reconocencia y de pervivencia de la propia lliteratura asturiana que precisamente caltién esta reivindicación como una antorcha o testigu nun camín inda ensin final que lleva tamién a adoptar otros compromisos non sólo llingüísticos o lliterarios más averaos a la realidá social y colectiva del País Asturianu y del restu de territorios del dominiu. Too ello va influír na producción lliteraria de los sos autores, na inspiración, motivación y desmotivación artística a la hora d'escribir, y tamién nos medios o publicaciones nos qu'estos autores s'amuesen y nos que van asoleyar les sos obres.
Los autores de la nomada Xeneración asturiana del Compromisu son nacíos nel tardofranquismu y na Transición democrática (1967- 1982). Ye polo tanto una xeneración que se ta iguando, faciendo. Estos autores siguen conviviendo colos de xeneraciones anteriores pero nun participaron nos primeros movimientos reivindicativos del Surdimientu llingúísticu asturianu como Conceyu Bable (1974) y tampoco na formación de l'Academia de la Llingua (1980). Ayenos al conflictu intrallingüísticu ente partidarios, detractores y críticos de la normativización académica del asturianu estándar, son por ello más favoratibles a nun dar excesiva importancia a esti fechu y siempre ven nos falantes y escritores del asturianu a un aliáu y nunca a un rival. Entamen publicar a entamos de los años 1990 especialmente alrodiu los ámbitos lliterarios de l'Academia de la Llingua Asturiana (Lletres Asturianes, Lliteratura, Llibrería Académica...) y en publicaciones menores, independientes, o en revistes alloñaes del poder oficial o mediáticu imperante. Ye por ello que tamién se-yos conoz como la xenerción de los noventa. Son de formación universitario, cuasi toos llicenciaos pola Universidá d'Uviéu. Formen la primer xeneración d'escritores n’asturianu formada na etapa de recuperación democrática del país y la primer xeneración que vive'l llogru de la normativización plena del idioma pero qu'inda nun ve la normalización social y política del mesmu. Ye por ello una xeneración que vivió inda inmersa nel conflictu políticu-llingüísticu alrodiu la llingua asturiana y que tomó partíu y conciencia idiomática plena a favor d'una total normalización social del idioma y que se moviliza a favor dél, tanto a favor de la oficialidá del asturianu como na denuncia pública de la marxinación política del idioma.Comprometíos cola llingua na qu'escriben y na que falen, nun escaecieron la relación política directa col conflictu que la marxinaba, decatándose a favor d'una visión global, reivindicativa del raigañu, non esclusívamente llingüísticu, sinón tamién nalgunos casos de compromisu políticu colos problemes del País Asturianu, del peligru de la perda de la identidá social de la llingua asturiana y del dominiu llingüísticu asturlleonés en conxuntu.
La obra de los autores de la Xeneración del Compromisu caracterícense por francer la tópica dixebra de los escritores per xéneros lliterarios, danse a conocer tanto na poesía como na narrtiva, teatru o ensayu científicu, nuna amestadura creativa de xéneros ya incluso de campos artísticos. Amuesa un deséu de recuperar el terrén perdíu, les esperances escaecíes, los raigaños más esterraos, el sentimientu más autóctonu y fondu d'una tierra, d'una llingua que nun se quier perder nin escaecer. Una nueva mirada hacia Asturies y hacia la so vieya llingua. Tórnase asina a la idea física de patria como tierra y yá non como llingua, como infancia o como alcordances borrinoses; a la idea física d'exiliu como distancia y non yá como escaezu, piénsase más nel futuru que na nenez del pasáu. Nun hai dicotomía campu-ciudá, la patria ye un too insepartable. La idea del amor espórtase a toles realidaes, non sólo hacia'l ser humanu, sinon hacia les idees, los sentimientos o les coses. Aspírase a obtener un futuru onde la llingua, el progresu, les idees, la Tierra asturiana con mayúscula y los sentimientos d'autoafirmacíón individuales y coletivos tean plenamente afitaos y reconocíos. Tamos cara a una xeneración lliteraria de raigañu conceptual, no poético y no narrativo, d'un nuevu compromisu global cola llingua y ya non sólo cola lliteratura asturiana como los de la xeneración anterior, tamos yá nuna xeneración artística que quier superar conflictos y rocees, una xeneración que trabaya activamente non sólo pola lliteratura sinón tamién, y esto ye bien definitorio, pola llingua y pola so cultura.
Ye ésta una xeneración en formación, en desenrollu. Una xeneración qu’entamó más no poético y que foi abriéndose hacia lo narrativo, los ensayos y el teatru, pero que nun quier escaecer la poesía. Los autores d'esta Xeneración del Compromisu entamaron publicar na década de los 1990 del sieglu XX y siguen publicando nos entamos del XXI. Como actu fundacional d'esta nueva xeneración cabe mentar la publicación en 1998 del volume Muestra de nueva poesía fechu por Ánxel Álvarez Llano con motivu la V Xunta d'Escritores Asturianos y la llectura de poemes ellí entamada. Ye ésta una lliteratura en xeneral comprometida, esto ye, con espíritu, afinxada na tierra que pisa, pues pretende tornar la güeyada hacia l'Asturies del sentimientu, del sentimientu de la Tierra y del futuru que se-y presenta. Los autores de la Xeneración del Compromisu amuesen una clara ruptura cola poesía figurativa experimental anterior, col hiper-realismu tan de moda nel estáu hespañol na década finisecular. La nueva poesía afuxe del prosaísmu hipercultista pero tamién del escesivu tonu formal. Los relatos tornen falanos de la realidá de la tierra, de la recuperación de lo autóctono. Non sólo garra influencies de les lliteratures sinón tamién del cine, los viaxes, la cotidianeidá, la contemporaneidá, el paisaxe de la Tierra, la historia, la cultura astur y asturlleonesa, les vivencies, los camientos, los medios de comunicación, l'actualidá y les aficiones. Los autores que más se invoquen son los clásicos asturianos: Reguera, Fernán Coronas, Pin de Pría o Acebal y tamién dalgunos de la primer Xeneración del Surdimientu, de poesía más asturianista y reivindicativa que la segunda. Supón too ello que la nueva Xeneración del Compromisu ruempe col nomáu Segundu Surdimientu precisamente na idea de lo que pue representar la lliteratura autóctona pa la creación d'una cultura específicamente astur y propia. La xeneración anterior o del Segundu Surdimientu vien afirmar que la so poesía nun tien por qué tener diferencies cola hespañola o cola escrita notres llingües considerando esti fechu como un síntoma de "normalidá". El didactismu militante que se-y achaca al Primer Surdimientu contrastaba asina cola supuesta "normalidá" o universalidá del realismu, del cultismu y de la temática de la esperiencia vixentes na Segunda Xeneración, qu'afuxía precisamente d'esta militancia de la Tierra y de la llingua. Escaecida la escritura militante, l'escritor del Segundu Surdimientu ablúgase nel intimismu, nos paisaxes urbanos, nes situaciones personales vivíes, nel amor, nel erotismu y nel cultismu globalizador d'otros poetes y d'otres llingües siguiendo con ello les llínies de la poesía contemporania finisecular tan de moda entós nel mundu occidental más averao.
La Xeneración del Compromisu (1967-1982) camuda el mou de ver l'actividá y el sentíu de lo poético y lo narrativo, y non sólo na temática. Asina, esta xeneración del nuevu sieglu nun esborra nin rexeita la güeyada más comprometida cola propia ya insepartable idea d'Asturies, de Lleón o de Miranda y de la so cultura material y espiritual sinon que la vien afirmar y proyectar, nuna nueva y renovada visión del territorialismu cultural y políticu. Idea y esmolición qu'esta xeneración de compromisos y nueves actitúes quier recuperar y revitalizar. Falamos con ello d'una lliteratura xenuínamente astur, comprometida cola llingua, colos movimientos culturales alrodiu d'ella, con un mensaxe claru, de raigañu, una lliteratura más reivindicativa, más ética o social, que fala del sentimientu de l'asturianidá, del lleonesismu, d’una reivindicación de la cultura, del facer xera o patria, del paisaxe, de la señaldá o del exiliu. Asturies y en xeneral los territorios físicos de la llingua, inspiren n'abondos casos la temática del paisaxe y los recuerdos de la natura bayurosa propia. Atopamos n'abondos casos a Asturies y a los territorios de la llingua asturiana como un motivu o tema d'inspiración, unes vegaes de manera directa y otres en sentíu alusivu o decorativu. La lliteratura comprometida de los nuevos autores atalántase xunida al devenir y a la frustración histórica de la llingua siempre lligada al mesmu destín del País, alloñada polo tanto de les corrientes foriates impregnaes d'intimismu individualista, d'hiper-realismu y de suxetivismu introspectivu. Estilísticamente tórnase a un usu más curiáu, elegante si cabe, del idioma, a unes temátiques narratives romántiques que refaen un pasáu, un usu poéticu y lliterariu de la llingua ensin dexar por ello de ser un llinguaxe claru. Afuxendo cada vegada más de la vanalidá, del sentimentalismu pesimista y del absatractismu surrealista, la nueva xeneración poética usa versos llibres básicamente, ensin estilismos artificiosos pero rescatando un usu menos acomplexáu del llinguaxe poétiu, quiciabes más formal y curiáu, más poéticu, que'l de los autores anteriores. La nueva lliteratura vese asina como una actividá útil, al serviciu de les idees y del pensamientu. Dalgunos falen con ello d'una poesía ética o filosófica, d’una narrativa con mensaxe, con propuestes, metalliteraria, que quier afitase más p’alló de lo lliterario, con un mensaxe interior personal o colectivu, pero siempre idealista y conceptual.
La Xeneración del Compromisu espresa por ello un deseyu de riscar, d'alitar otra vegada xunto col nuevu sieglu, un nuevu y vieyu mou de ver, de querer la tierra propio, la llingua, como un fin, cola conmoción del pensamientu, volcándose'l llabor lliterariu a través d'una nueva savia que trescale'l gran árbol de la lliteratura asturiana.
AUTORES DE LA XENERACIÓN DEL COMPROMISU 1967 – 1982:
- XABIERO CAYARGA – (Cangues 1967)
- ALFREDO GONZÁLEZ FERNANDEZ – (Carbexe – El Franco 1967)
- XAVIEL VILAREYO – (Mieres del Camín 1967)
- LLUIS AIQUE FERNÁNDEZ IGLESIAS – (Sotrondiu 1967)
- SUSANA RODRÍGUEZ SELA – (Uviéu 1968)
- XUAN SANTORI – (Uviéu 1968)
- XULIO VIEJO – (Uviéu 1968)
- SANTI FERNÁNDEZ OCHOA – (Mieres del Camín 1969)
- XOSÉ ÁNXELU GUTIERREZ MORÁN – (Avilés 1969)
- FRANCISCO ÁLVAREZ GONZÁLEZ - (Xixón 1970)
- RUBÉN ARIAS – (Avilés 1970)
- ENRIQUE CARBALLEIRA MELENDI - (L’Infiestu 1970)
- XUAN CARLOS CRESPOS LANCHAS – (Xixón 1970)
- XANDRU FERNANDEZ – (Turón 1970)
- CHECHU GARCÍA – (L’Entregu 1970)
- ELVIRA LARUELO – (Les Arriondes 1970)
- MARISA LÓPEZ DIZ – (Xixón 1970)
- MARÍA XESÚS LLOPE – (Xixón 1970)
- XE MANUEL SÁNCHEZ SÁNCHEZ – (Grau 1970)
- XUAN PORTA – (Xixón 1971)
- RAMÓN LLUIS BANDE GUERRA - (Xixón, 1972)
- BERTU ORDIALES – (Xixón, 1972)
- JOSE LUIS RENDUELES – (Xixón 1972)
- ELÍAS VEIGA – (Allande 1972)
- ARTURO ÁLVAREZ FERNANDEZ – (As Campas – Castropol 1973)
- XURDE ÁLVAREZ – (Llangréu 1973)
- LLUCIA FERNANDEZ MARQUÉS – (Xixón 1974)
- HÉCTOR GARCÍA XIL – (Lleón, 1974)
- XOSÉ XUAN GOMEZ DE PEDRO – (Xixón 1974)
- ABEL UXENIU PARDO FERNÁNDEZ – (El Bierzu 1974)
- QUIQUE FAES - (Xixón 1975)
- XURDE FERNANDEZ – (Candás 1975)
- BERTO GARCÍA – (Les Vegues – Corvera 1975)
- FRAN GAYO – (Xixón 1975)
- MARTÍN LOPEZ VEGA – (Po – Llanes 1975)
- NACIU VARILLAS – (Xixón, 1975)
- CUNO VIGÓN – (El Lloréu – Nava 1975)
- RICARDO CANDÁS – (Xixón 1977)
- XOSÉ A. GAYOL – (Mieres 1977)
- PABLO TEXÓN – (Felechosa – Ayer 1977)
- HECTOR PEREZ IGLESIAS – (Arlós – Llanera 1978)
- PABLO RODRIGUEZ MEDINA – (L’Entregu 1978)
- HÉCTOR BLANCO – (Uviéu 1979)
- XOSE RAMÓN MARTINEZ CASTRO – (As Figueiras – Castropol 1979)
- PABLO RODRIGUEZ ALONSO – (Xixón 1979)
- HENRIQUE FACURIELLA – (Blimea 1980)
- ELISABETH FELGUEROSO – (Llangréu 1980)
- ANA VANESA GUTIÉRREZ – (Urbiés – Mieres 1980)
- ALEJANDRA SIRVENT – (Pravia 1980)
- XUASÚS GONZÁLEZ – (Altu Bierzu 1981)
- PABLO X. SUÁREZ – ( Samartín d’Anes – Sieru 1981)
- XABEL DE CEA – (Llanes 1982)
- IVÁN CUEVAS – (Xixón 1982)
- CARLOS SUARI – (La Xungarosa -Avilés 1982)
La Xeneración del Compromisu:
1967-1982
1967-1982
que daré nel ámbitu de la II Arribada lliteraria esti sábadu 15 de setiembre a les 11,30 hores nel patiu del C.C. Antigu Institutu Asturianu de Xixón, cola presencia y participación de los escritores Berto García, Ricardo Candás, Xabel de Cea, Elisabeth Felgueroso, Pablo Rodríguez Alonso, Alexandra Sirvent y Carlos Suari.
La Xeneración del Compromisu: 1967-1982
Xaviel Vilareyo y Villamil
Una xeneración lliteraria defínese como aquel conxuntu de persones nacíes nun determináu periodu de tiempu que vivieron los mesmos acontecimientos o circunstancies y que puen llegar a presentar una obra lliteraria con una serie d’influencies, caracteres y, en xeneral, dellos rasgos artísticos comunes o asemeyaos y en parte estremaos de los de xeneraciones anteriores.
El conceptu de xeneración impónse na historiografía hespañola a partir de lo publicao pol filósofu Ortega y Gasset y los sos discípulos, qu’entamaron allumando la nomada Xeneración del 98, formada por un garrapiellu d’escritores caracterizaos pol so hespañolismu. Ye ésti un conceptu recién, difícil de concretar, pero al empar útil pa la hestoria de la lliteratura yá qu’aporta unes claves de referencia qu’ayuden a situar nel so espaciu, contestu y tiempu a los lliteratos y a les sos obres. Toa dixebra en periodos intenta asina ufiertar un ciertu grau d’orde y coherencia, axuntando y acutando a los escritores por etapes y facilitando asina l’estudiu y comprensión de les lliteratures, nel nuestru casu, de la lliteratura asturiana. Esti enfotu pedagóxicu ye’l que consolidó’l ciertu ésitu d’esti conceptu anque nun hai unanimidá total a la hora de precisar y determinar el conceptu xeneracional, aceptáu por unos y rexeitáu por otros. Destamiente, pa dalgunos resulta avegoso precisar esti conceptu y estremalu de la idea de promoción lliteraria, grupu, corriente, equipu o términos asemeyaos. Y ello debío a que’l conceptu de xeneración ye más un términu sociolóxicu que lliterariu. La supuesta oposición o confrontación de xeneraciones que plantegaba Ortega pretende amuesar una visión dialéctica de contraste y de remozamientu de les idees. Pa dalgunos, ello nun dexa de ser más qu’un recursu pedagóxicu simplayu y recurrente, yá que tomar en cuenta la fecha de nacencia de los autores, la dixebra en periodos de 15 años o la temática o sentíu artísticu nun ye más qu’un reduccionismu cenciellu. La historiografía lliteraria suel presentar a les xeneraciones lliteraries como compartimentos estancos, caúna con identidá propia, perfil, sincronía, influxos y contestu claramente desllendaos. Sin embargo, nun dexa de ser difícil acutar espacios o marcar fronteres en campos tan ambiguos y suxetivos como lo son los lliterarios. El conceptu preséntase útil si lo que queremos ye parcelar esti campu pa poder entendelu, conocelu, dalu a conocer o estudialu dafecho y meyor, entós la idea de les xeneraciones lliteraries ye una ferramienta útil non sólo pa la historiografía lliteraria sinón tamién pa la mesma lliteratura, que dicho metafóricamente s’autoalimenta de les sos propies influencies, puesto que permite a los autores facese una reflexón sobre’l propiu llabor.
Ortega ye’l creador del conceptu de xeneración (El tema de nuestro tiempo, publicáu en 1923) y ye precisamente n’Hespaña onde más se tien usao esti términu. Ortega taba esmolíu por un estudiu sistemáticu de la Historia y por crear un métodu científicu. Nun trataba de ñegar l’individualismu de los artistes sinon d’afirmar la entidá societaria o social del creador. Cuntar colos demás supón asina percibir la mutua dependencia y coordinación con aquellos colos que convivimos. El nun cuntar colos demás aislla del mundu y polo tanto torga una percepción del mesmu y del espaciu que nos arrodia como lliteratos conscientes de la nuestra situación, contestu y caleyar vital. Los autores vivimos inmersos nunos determinaos contestos y momentos históricos y como toos reaccionamos frente a la mesma realidá, deduzse que los seres sometíos a un mesmu procesu han a desenrollar ente ellos asemeyos y afinidaes. La obra lliteraria de los autores d’una mesma xeneración adquier asina un valir históricu, testimonial, amás del propiu valir lliterariu intrínsecu. La xeneración representa una cierta actitú vital ante la lliteratura, dende la que se percibe la esistencia d’un xeitu determináu y específicu, estremáu, a la percepción que tuvieron les xeneraciones anteriores.
Ortega estremaba ente dos clases de xeneraciones, les cumulatives, o pasives que viven de lo aportao poles xeneraciones pasaes y les polémiques, les qu’aporten nueva savia y nueves tendencies diferentes a la xeneración anterior. Sin embargo, el conceptu orteguianu de xeneración nun dexó de tener crítiques. La idea xeneracional d’Ortega yera más bien ríxida no temporal pues afirmaba que les xeneraciones se sucedíen cada 15 años. Implicaba que los integrantes tuvieren la mesma edá y llevaren alantre dalgún contactu vital, un conxuntu de creencies y de sentimientos compartíos: cada xeneración consiste nuna peculiar sensibilidá. Nun repertoriu orgánicu d'intimes propensiones, quier dicise que cada xeneración tien la so vocación propia, la so hestórica misión. En España invertebrada, Ortega afirma que l'acción d'una minoría cultivada y selecta sobre les mases ye bono y que l'afirmación de les idees nacionalistes ye daqué positivo y peculiar. La so idea de xeneración ye una aplicación mecánica d'esta idea d'élites. El términu xeneración surde asina dende la lliteratura, y la socioloxía tómalu d'equí.
La xeneración lliteraria nun ye un fechu natural sinon un complexu cultural y social. Lo que define a ésta ye una comunidá d'espíritu, de sensibilidaes, d'actitúes, de valores, esmoliciones, problemes, rasgos, ensin perxuiciu de los estilos personales y de la individualidá de caún de los integrantes. Nesti sentíu apúntase que la coetaneidá o el fechu de tener una edá asemeyada nun contestu espacial determináu (nesti casu, el fechu d'escribir n'asturianu nuna determinada época histórica de marxinación y represión llingüística) favorez o posibilita tener unes mesmes perspectives, visiones o respuestes artístiques. Asina les coses, dicir xeneración nun ye lo mesmo que dicir escuela, grupu o tendencia yá que valoramos tamién la dimensión temporal, esto ye, la edá del lliteratu.
Los escritores de la Xeneración del Compromisu (1967-1982) son na so totalidá asturianos nacíos nel dominiu llingüísticu astur sobretoo de la rexón central d’Asturies y escritores en llingua asturiana, una llingua indagüei non reconocida oficialmente y dafecho marxinada, tapecida o represaliada polos poderes públicos que dependen de los principales partíos políticos españoles, salvo nel territoriu mirandés, onde sí ye xurídicamente llingua oficial. Esti fechu, anormal, incoherente y antillegal dafechu, conlleva delles circunstancies qu'imprimen una especial significación o calter nel sentimientu de los autores ante’l fechu artísticu d’escribir nuna llingua políticamente marxinada y sometida, esto ye, metida embaxu les alfombres del poder. La llingua asturiana, a fecha de güei (2007) inda nun se considera como una llingua oficial n'Asturies, nin en Lleón, nin n'Hespaña. La educación impartida d'esta y nesta llingua inda ye una reivindicación permanente y desesperadamente naguada pol conxuntu de los enseñantes y pola sociedá en xeneral. Los medios de comunicación asturianos releguen a esta llingua a espacios mínimos de la programación, cuando non lo que se fai ye una chancia de la propia llingua nos medios, considerándola inda como una nota de collor, de tipismu rural, probe y marxinal. Los escritores en llingua asturiana y muncho más los nuevos escritores son ignoraos polos medios y pola oficialidá al usu que se contenta con presentar unos premios lliterarios oficiales pa salir del pasu y de mano nun vulnerar lo establecío nes lleis estatutaries vixentes referíes a la promoción del asturianu, y con ello tamién satisfacer delles reivindicaciones más pecuniaries que lliteraries de dellos lliteratos más afines a esti tipu de poderes del que pretenden sacar dalguna ventaya clientelar que a cualesquier síntoma de reivindicación llingüística que faiga esparder polo menos socialmente a la propia lliteratura, que nun tendría que subsistir de los poderes sinón de la so llingua, esto ye de los propios ciudadanos. En resume, la llingua asturiana sigue siendo una llingua non reconocida y polo tanto, ignorada, perseguida y represaliada n'Asturies y n’otros territorios del dominiu idiomáticu, puesto que'l so usu inda nun ta normalizáu polos responsables de facelu posible, esto ye polos poderes políticos y públicos encargaos del so fomentu. L'ámbitu de los premios lliterarios habríen dexase del llau de la sociedá civil, y non como ferramienta ideolóxica al serviciu mediáticu del poder políticu.. La reivindicación de la oficialidá de la llingua asturiana ye polo tanto un fechu definitoriu históricamente a la hora de caracterizar a esta Xeneración del Compromisu, ya que ye una garantía mínima de reconocencia y de pervivencia de la propia lliteratura asturiana que precisamente caltién esta reivindicación como una antorcha o testigu nun camín inda ensin final que lleva tamién a adoptar otros compromisos non sólo llingüísticos o lliterarios más averaos a la realidá social y colectiva del País Asturianu y del restu de territorios del dominiu. Too ello va influír na producción lliteraria de los sos autores, na inspiración, motivación y desmotivación artística a la hora d'escribir, y tamién nos medios o publicaciones nos qu'estos autores s'amuesen y nos que van asoleyar les sos obres.
Los autores de la nomada Xeneración asturiana del Compromisu son nacíos nel tardofranquismu y na Transición democrática (1967- 1982). Ye polo tanto una xeneración que se ta iguando, faciendo. Estos autores siguen conviviendo colos de xeneraciones anteriores pero nun participaron nos primeros movimientos reivindicativos del Surdimientu llingúísticu asturianu como Conceyu Bable (1974) y tampoco na formación de l'Academia de la Llingua (1980). Ayenos al conflictu intrallingüísticu ente partidarios, detractores y críticos de la normativización académica del asturianu estándar, son por ello más favoratibles a nun dar excesiva importancia a esti fechu y siempre ven nos falantes y escritores del asturianu a un aliáu y nunca a un rival. Entamen publicar a entamos de los años 1990 especialmente alrodiu los ámbitos lliterarios de l'Academia de la Llingua Asturiana (Lletres Asturianes, Lliteratura, Llibrería Académica...) y en publicaciones menores, independientes, o en revistes alloñaes del poder oficial o mediáticu imperante. Ye por ello que tamién se-yos conoz como la xenerción de los noventa. Son de formación universitario, cuasi toos llicenciaos pola Universidá d'Uviéu. Formen la primer xeneración d'escritores n’asturianu formada na etapa de recuperación democrática del país y la primer xeneración que vive'l llogru de la normativización plena del idioma pero qu'inda nun ve la normalización social y política del mesmu. Ye por ello una xeneración que vivió inda inmersa nel conflictu políticu-llingüísticu alrodiu la llingua asturiana y que tomó partíu y conciencia idiomática plena a favor d'una total normalización social del idioma y que se moviliza a favor dél, tanto a favor de la oficialidá del asturianu como na denuncia pública de la marxinación política del idioma.Comprometíos cola llingua na qu'escriben y na que falen, nun escaecieron la relación política directa col conflictu que la marxinaba, decatándose a favor d'una visión global, reivindicativa del raigañu, non esclusívamente llingüísticu, sinón tamién nalgunos casos de compromisu políticu colos problemes del País Asturianu, del peligru de la perda de la identidá social de la llingua asturiana y del dominiu llingüísticu asturlleonés en conxuntu.
La obra de los autores de la Xeneración del Compromisu caracterícense por francer la tópica dixebra de los escritores per xéneros lliterarios, danse a conocer tanto na poesía como na narrtiva, teatru o ensayu científicu, nuna amestadura creativa de xéneros ya incluso de campos artísticos. Amuesa un deséu de recuperar el terrén perdíu, les esperances escaecíes, los raigaños más esterraos, el sentimientu más autóctonu y fondu d'una tierra, d'una llingua que nun se quier perder nin escaecer. Una nueva mirada hacia Asturies y hacia la so vieya llingua. Tórnase asina a la idea física de patria como tierra y yá non como llingua, como infancia o como alcordances borrinoses; a la idea física d'exiliu como distancia y non yá como escaezu, piénsase más nel futuru que na nenez del pasáu. Nun hai dicotomía campu-ciudá, la patria ye un too insepartable. La idea del amor espórtase a toles realidaes, non sólo hacia'l ser humanu, sinon hacia les idees, los sentimientos o les coses. Aspírase a obtener un futuru onde la llingua, el progresu, les idees, la Tierra asturiana con mayúscula y los sentimientos d'autoafirmacíón individuales y coletivos tean plenamente afitaos y reconocíos. Tamos cara a una xeneración lliteraria de raigañu conceptual, no poético y no narrativo, d'un nuevu compromisu global cola llingua y ya non sólo cola lliteratura asturiana como los de la xeneración anterior, tamos yá nuna xeneración artística que quier superar conflictos y rocees, una xeneración que trabaya activamente non sólo pola lliteratura sinón tamién, y esto ye bien definitorio, pola llingua y pola so cultura.
Ye ésta una xeneración en formación, en desenrollu. Una xeneración qu’entamó más no poético y que foi abriéndose hacia lo narrativo, los ensayos y el teatru, pero que nun quier escaecer la poesía. Los autores d'esta Xeneración del Compromisu entamaron publicar na década de los 1990 del sieglu XX y siguen publicando nos entamos del XXI. Como actu fundacional d'esta nueva xeneración cabe mentar la publicación en 1998 del volume Muestra de nueva poesía fechu por Ánxel Álvarez Llano con motivu la V Xunta d'Escritores Asturianos y la llectura de poemes ellí entamada. Ye ésta una lliteratura en xeneral comprometida, esto ye, con espíritu, afinxada na tierra que pisa, pues pretende tornar la güeyada hacia l'Asturies del sentimientu, del sentimientu de la Tierra y del futuru que se-y presenta. Los autores de la Xeneración del Compromisu amuesen una clara ruptura cola poesía figurativa experimental anterior, col hiper-realismu tan de moda nel estáu hespañol na década finisecular. La nueva poesía afuxe del prosaísmu hipercultista pero tamién del escesivu tonu formal. Los relatos tornen falanos de la realidá de la tierra, de la recuperación de lo autóctono. Non sólo garra influencies de les lliteratures sinón tamién del cine, los viaxes, la cotidianeidá, la contemporaneidá, el paisaxe de la Tierra, la historia, la cultura astur y asturlleonesa, les vivencies, los camientos, los medios de comunicación, l'actualidá y les aficiones. Los autores que más se invoquen son los clásicos asturianos: Reguera, Fernán Coronas, Pin de Pría o Acebal y tamién dalgunos de la primer Xeneración del Surdimientu, de poesía más asturianista y reivindicativa que la segunda. Supón too ello que la nueva Xeneración del Compromisu ruempe col nomáu Segundu Surdimientu precisamente na idea de lo que pue representar la lliteratura autóctona pa la creación d'una cultura específicamente astur y propia. La xeneración anterior o del Segundu Surdimientu vien afirmar que la so poesía nun tien por qué tener diferencies cola hespañola o cola escrita notres llingües considerando esti fechu como un síntoma de "normalidá". El didactismu militante que se-y achaca al Primer Surdimientu contrastaba asina cola supuesta "normalidá" o universalidá del realismu, del cultismu y de la temática de la esperiencia vixentes na Segunda Xeneración, qu'afuxía precisamente d'esta militancia de la Tierra y de la llingua. Escaecida la escritura militante, l'escritor del Segundu Surdimientu ablúgase nel intimismu, nos paisaxes urbanos, nes situaciones personales vivíes, nel amor, nel erotismu y nel cultismu globalizador d'otros poetes y d'otres llingües siguiendo con ello les llínies de la poesía contemporania finisecular tan de moda entós nel mundu occidental más averao.
La Xeneración del Compromisu (1967-1982) camuda el mou de ver l'actividá y el sentíu de lo poético y lo narrativo, y non sólo na temática. Asina, esta xeneración del nuevu sieglu nun esborra nin rexeita la güeyada más comprometida cola propia ya insepartable idea d'Asturies, de Lleón o de Miranda y de la so cultura material y espiritual sinon que la vien afirmar y proyectar, nuna nueva y renovada visión del territorialismu cultural y políticu. Idea y esmolición qu'esta xeneración de compromisos y nueves actitúes quier recuperar y revitalizar. Falamos con ello d'una lliteratura xenuínamente astur, comprometida cola llingua, colos movimientos culturales alrodiu d'ella, con un mensaxe claru, de raigañu, una lliteratura más reivindicativa, más ética o social, que fala del sentimientu de l'asturianidá, del lleonesismu, d’una reivindicación de la cultura, del facer xera o patria, del paisaxe, de la señaldá o del exiliu. Asturies y en xeneral los territorios físicos de la llingua, inspiren n'abondos casos la temática del paisaxe y los recuerdos de la natura bayurosa propia. Atopamos n'abondos casos a Asturies y a los territorios de la llingua asturiana como un motivu o tema d'inspiración, unes vegaes de manera directa y otres en sentíu alusivu o decorativu. La lliteratura comprometida de los nuevos autores atalántase xunida al devenir y a la frustración histórica de la llingua siempre lligada al mesmu destín del País, alloñada polo tanto de les corrientes foriates impregnaes d'intimismu individualista, d'hiper-realismu y de suxetivismu introspectivu. Estilísticamente tórnase a un usu más curiáu, elegante si cabe, del idioma, a unes temátiques narratives romántiques que refaen un pasáu, un usu poéticu y lliterariu de la llingua ensin dexar por ello de ser un llinguaxe claru. Afuxendo cada vegada más de la vanalidá, del sentimentalismu pesimista y del absatractismu surrealista, la nueva xeneración poética usa versos llibres básicamente, ensin estilismos artificiosos pero rescatando un usu menos acomplexáu del llinguaxe poétiu, quiciabes más formal y curiáu, más poéticu, que'l de los autores anteriores. La nueva lliteratura vese asina como una actividá útil, al serviciu de les idees y del pensamientu. Dalgunos falen con ello d'una poesía ética o filosófica, d’una narrativa con mensaxe, con propuestes, metalliteraria, que quier afitase más p’alló de lo lliterario, con un mensaxe interior personal o colectivu, pero siempre idealista y conceptual.
La Xeneración del Compromisu espresa por ello un deseyu de riscar, d'alitar otra vegada xunto col nuevu sieglu, un nuevu y vieyu mou de ver, de querer la tierra propio, la llingua, como un fin, cola conmoción del pensamientu, volcándose'l llabor lliterariu a través d'una nueva savia que trescale'l gran árbol de la lliteratura asturiana.
AUTORES DE LA XENERACIÓN DEL COMPROMISU 1967 – 1982:
- XABIERO CAYARGA – (Cangues 1967)
- ALFREDO GONZÁLEZ FERNANDEZ – (Carbexe – El Franco 1967)
- XAVIEL VILAREYO – (Mieres del Camín 1967)
- LLUIS AIQUE FERNÁNDEZ IGLESIAS – (Sotrondiu 1967)
- SUSANA RODRÍGUEZ SELA – (Uviéu 1968)
- XUAN SANTORI – (Uviéu 1968)
- XULIO VIEJO – (Uviéu 1968)
- SANTI FERNÁNDEZ OCHOA – (Mieres del Camín 1969)
- XOSÉ ÁNXELU GUTIERREZ MORÁN – (Avilés 1969)
- FRANCISCO ÁLVAREZ GONZÁLEZ - (Xixón 1970)
- RUBÉN ARIAS – (Avilés 1970)
- ENRIQUE CARBALLEIRA MELENDI - (L’Infiestu 1970)
- XUAN CARLOS CRESPOS LANCHAS – (Xixón 1970)
- XANDRU FERNANDEZ – (Turón 1970)
- CHECHU GARCÍA – (L’Entregu 1970)
- ELVIRA LARUELO – (Les Arriondes 1970)
- MARISA LÓPEZ DIZ – (Xixón 1970)
- MARÍA XESÚS LLOPE – (Xixón 1970)
- XE MANUEL SÁNCHEZ SÁNCHEZ – (Grau 1970)
- XUAN PORTA – (Xixón 1971)
- RAMÓN LLUIS BANDE GUERRA - (Xixón, 1972)
- BERTU ORDIALES – (Xixón, 1972)
- JOSE LUIS RENDUELES – (Xixón 1972)
- ELÍAS VEIGA – (Allande 1972)
- ARTURO ÁLVAREZ FERNANDEZ – (As Campas – Castropol 1973)
- XURDE ÁLVAREZ – (Llangréu 1973)
- LLUCIA FERNANDEZ MARQUÉS – (Xixón 1974)
- HÉCTOR GARCÍA XIL – (Lleón, 1974)
- XOSÉ XUAN GOMEZ DE PEDRO – (Xixón 1974)
- ABEL UXENIU PARDO FERNÁNDEZ – (El Bierzu 1974)
- QUIQUE FAES - (Xixón 1975)
- XURDE FERNANDEZ – (Candás 1975)
- BERTO GARCÍA – (Les Vegues – Corvera 1975)
- FRAN GAYO – (Xixón 1975)
- MARTÍN LOPEZ VEGA – (Po – Llanes 1975)
- NACIU VARILLAS – (Xixón, 1975)
- CUNO VIGÓN – (El Lloréu – Nava 1975)
- RICARDO CANDÁS – (Xixón 1977)
- XOSÉ A. GAYOL – (Mieres 1977)
- PABLO TEXÓN – (Felechosa – Ayer 1977)
- HECTOR PEREZ IGLESIAS – (Arlós – Llanera 1978)
- PABLO RODRIGUEZ MEDINA – (L’Entregu 1978)
- HÉCTOR BLANCO – (Uviéu 1979)
- XOSE RAMÓN MARTINEZ CASTRO – (As Figueiras – Castropol 1979)
- PABLO RODRIGUEZ ALONSO – (Xixón 1979)
- HENRIQUE FACURIELLA – (Blimea 1980)
- ELISABETH FELGUEROSO – (Llangréu 1980)
- ANA VANESA GUTIÉRREZ – (Urbiés – Mieres 1980)
- ALEJANDRA SIRVENT – (Pravia 1980)
- XUASÚS GONZÁLEZ – (Altu Bierzu 1981)
- PABLO X. SUÁREZ – ( Samartín d’Anes – Sieru 1981)
- XABEL DE CEA – (Llanes 1982)
- IVÁN CUEVAS – (Xixón 1982)
- CARLOS SUARI – (La Xungarosa -Avilés 1982)
Tags: XAVIEL VILAREYO