Espacio para la poesía de todos los tiempos: poemas, autores, libros, artículos... Todo lo que tenga que ver con el bello arte de decir con la palabra...
XAVIEL VILAREYO, ESCRITOR
____________________________________________________________
«Los autores tendríemos que tener una actitú reivindicativa»
«Somos un país con pocu interes pol arte, y la televisión nun ayuda nada a la lliteratura a nun ser que llegue una moda»
____________________________________________________________
21.08.07 - ENRIQUE CARBALLEIRA
L'escritor Xaviel Vilareyo (Mieres del Camín, 1967) presenta estos díes la que ye la so primer obra de narrativa espublizada en forma de llibru. 'La causa más probable' (Ediciones Trabe) llogra xuntar un garrapiellu de trabayos lliterarios escritos nestos últimos diez años. L'autor, que se considera fundamentalmente un poeta, tamién s'amosa como un artista multidisciplinar qu'encara materies como la lliteratura, la pintura o la música, siempre dende una posición comprometida y lluchadora, especialmente cola defensa de la Llingua Asturiana. Tien publicao en revistes lliteraries como 'Pretexto', 'Lletres Asturianes', 'Zimbru', 'Sietestrellu', 'Reloj de Arena' o 'El Signo del Gorrión'.
-¿Cómo describiría 'La causa más probable'?
-Ye un conxuntu de rellatos mui diversos, fechos nestos últimos diez años. Nun tienen una llínia clara y definida que los caracterice; hai dende temes históricos a comedia. Creo que nun dexa de ser una bona muestra de lo que soi yo, una persona que trabaya diverses disciplines.
-¿Tien dalgún rellatu preferíu nel volume?
-Non, son toos fíos d'un mesmu padre. El más vieyu tien diez años y el más modernu ye d'esti añu. Cada ún ye especial y nun podría rescamplar nengún. Tienen temátiques y estilos estremaos; hasta pueden llegar a paecer de seis escritores distintos.
-La so obra poética ye más bayurosa que la narrativa hasta la fecha ¿Tien preferencia especial por ún d'estos dos estilos lliterarios?
-La poesía préstame más, pero ye más ingrata. En xeneral tien menos prestixu; ye una pena, pero nun vende, nin se llee, nin tien la relevancia de la narrativa. De toes formes yo considérome un escritor y procuro tocar munches variedaes d'escritura. Amás de rellatos y poesía tengo escrito dalgunos ensayos y hasta una obra de teatru tovía ensin publicar. Creo que nun hai que defender una cosa n'esclusiva sobre otra. Nel círculu de poesía al que pertenezo en Madrí, hai poetes que ven mal qu'otru poeta se dedique tamién a la narrativa, venlo como una traición.
-Usté ye ún de los fundadores del Festival de Cine Asturianu. Tamién hai muncha relación ente cine y narrativa
-Dende llueu. El cine sofítase nun guión, que ye básicu pa que se pueda facer la película. Amás yo creo que'l suañu d'un escritor ye servir d'inspiración pa otros artistes, como pueden ser los directores de cine. Tengo que dicir que nestos momentos toi trabayando precisamente nun guión cinematográficu, sobre ún de los rellatos d'esti llibru que presento. Por agora nun puedo dicir más, pero espero que'l proyectu se confirme.
-A la vez que presenta esti llibru, tamién inaugura una esposición de pintura na Llibrería Asturiana de Trabe, ¿ye complementaria col testu?
-Tien abonda relación. Esta amuesa de pintura titúlase 'La fueya en blanco', un términu mui conocíu pa los escritores. Yo entiendo la lliteratura como daqué conceptual, creo que ye importante tresmitir mensaxes éticos, ideolóxicos y comprometíos al llector. Y cola pintura pasa igual, en definitiva son soportes; trátase d'enllenar el papel con palabres o con pintura, pero al final falamos de comunicación.
-Tamién collabora con delles revistes, ¿Qué papel tienen nel paisaxe lliterariu actual?
-Creo que tienen un papel importante siempre que llogren una bona difusión. Ésti ye ún de los problemes que tienen estes publicaciones. Les llibreríes cada vez tienen menos sitiu pa productos que nun dexen perres, los sitios queden acutaos pa los llibros más caros y que tienen más beneficiu. Hespaña nun ye Francia, y equí n'Asturies somos un país con pocu interés pol arte y la televisión nun ayuda nada a la lliteratura, a nun ser que llegue una moda, como pasa delles veces. Equí funciónase munchu asina, por modes.
-¿Cómo ve la situación de la Llingua Asturiana?
-Pues creo que yá ye hora de que llegue la moda de la lliteratura n'asturianu. Igual que-y pasó al gallegu. Pero hai munchos problemes; falta una normalización social. L'asturianu ye una llingua persiguida y represaliada y los autores habríemos a tar mui influenciaos por esta situación; tenemos que ser más comprometíos, tener una actitú más guerrera y reivindicativa. Tamos obligaos a denunciar esta situación de represión, necesitamos autores con más ideoloxía. ¿Cómo se pue escribir, por exemplu, sobre les vacaciones que pasasti esti branu si la to llingua ta nesta situación? Los escritores tenemos que dicir daqué, la nuesa arma ye'l bolígrafu o l'ordenador. Los autores d'otros llugares, los vascos o los catalanes, tienen más conciencia política. Pero too pue cambiar.
____________________________________________________________
«Los autores tendríemos que tener una actitú reivindicativa»
«Somos un país con pocu interes pol arte, y la televisión nun ayuda nada a la lliteratura a nun ser que llegue una moda»
____________________________________________________________
21.08.07 - ENRIQUE CARBALLEIRA
L'escritor Xaviel Vilareyo (Mieres del Camín, 1967) presenta estos díes la que ye la so primer obra de narrativa espublizada en forma de llibru. 'La causa más probable' (Ediciones Trabe) llogra xuntar un garrapiellu de trabayos lliterarios escritos nestos últimos diez años. L'autor, que se considera fundamentalmente un poeta, tamién s'amosa como un artista multidisciplinar qu'encara materies como la lliteratura, la pintura o la música, siempre dende una posición comprometida y lluchadora, especialmente cola defensa de la Llingua Asturiana. Tien publicao en revistes lliteraries como 'Pretexto', 'Lletres Asturianes', 'Zimbru', 'Sietestrellu', 'Reloj de Arena' o 'El Signo del Gorrión'.
-¿Cómo describiría 'La causa más probable'?
-Ye un conxuntu de rellatos mui diversos, fechos nestos últimos diez años. Nun tienen una llínia clara y definida que los caracterice; hai dende temes históricos a comedia. Creo que nun dexa de ser una bona muestra de lo que soi yo, una persona que trabaya diverses disciplines.
-¿Tien dalgún rellatu preferíu nel volume?
-Non, son toos fíos d'un mesmu padre. El más vieyu tien diez años y el más modernu ye d'esti añu. Cada ún ye especial y nun podría rescamplar nengún. Tienen temátiques y estilos estremaos; hasta pueden llegar a paecer de seis escritores distintos.
-La so obra poética ye más bayurosa que la narrativa hasta la fecha ¿Tien preferencia especial por ún d'estos dos estilos lliterarios?
-La poesía préstame más, pero ye más ingrata. En xeneral tien menos prestixu; ye una pena, pero nun vende, nin se llee, nin tien la relevancia de la narrativa. De toes formes yo considérome un escritor y procuro tocar munches variedaes d'escritura. Amás de rellatos y poesía tengo escrito dalgunos ensayos y hasta una obra de teatru tovía ensin publicar. Creo que nun hai que defender una cosa n'esclusiva sobre otra. Nel círculu de poesía al que pertenezo en Madrí, hai poetes que ven mal qu'otru poeta se dedique tamién a la narrativa, venlo como una traición.
-Usté ye ún de los fundadores del Festival de Cine Asturianu. Tamién hai muncha relación ente cine y narrativa
-Dende llueu. El cine sofítase nun guión, que ye básicu pa que se pueda facer la película. Amás yo creo que'l suañu d'un escritor ye servir d'inspiración pa otros artistes, como pueden ser los directores de cine. Tengo que dicir que nestos momentos toi trabayando precisamente nun guión cinematográficu, sobre ún de los rellatos d'esti llibru que presento. Por agora nun puedo dicir más, pero espero que'l proyectu se confirme.
-A la vez que presenta esti llibru, tamién inaugura una esposición de pintura na Llibrería Asturiana de Trabe, ¿ye complementaria col testu?
-Tien abonda relación. Esta amuesa de pintura titúlase 'La fueya en blanco', un términu mui conocíu pa los escritores. Yo entiendo la lliteratura como daqué conceptual, creo que ye importante tresmitir mensaxes éticos, ideolóxicos y comprometíos al llector. Y cola pintura pasa igual, en definitiva son soportes; trátase d'enllenar el papel con palabres o con pintura, pero al final falamos de comunicación.
-Tamién collabora con delles revistes, ¿Qué papel tienen nel paisaxe lliterariu actual?
-Creo que tienen un papel importante siempre que llogren una bona difusión. Ésti ye ún de los problemes que tienen estes publicaciones. Les llibreríes cada vez tienen menos sitiu pa productos que nun dexen perres, los sitios queden acutaos pa los llibros más caros y que tienen más beneficiu. Hespaña nun ye Francia, y equí n'Asturies somos un país con pocu interés pol arte y la televisión nun ayuda nada a la lliteratura, a nun ser que llegue una moda, como pasa delles veces. Equí funciónase munchu asina, por modes.
-¿Cómo ve la situación de la Llingua Asturiana?
-Pues creo que yá ye hora de que llegue la moda de la lliteratura n'asturianu. Igual que-y pasó al gallegu. Pero hai munchos problemes; falta una normalización social. L'asturianu ye una llingua persiguida y represaliada y los autores habríemos a tar mui influenciaos por esta situación; tenemos que ser más comprometíos, tener una actitú más guerrera y reivindicativa. Tamos obligaos a denunciar esta situación de represión, necesitamos autores con más ideoloxía. ¿Cómo se pue escribir, por exemplu, sobre les vacaciones que pasasti esti branu si la to llingua ta nesta situación? Los escritores tenemos que dicir daqué, la nuesa arma ye'l bolígrafu o l'ordenador. Los autores d'otros llugares, los vascos o los catalanes, tienen más conciencia política. Pero too pue cambiar.
Tags: Xaviel Vilareyo